| | 2 views

Baarlamaanka Galmudug oo ansixiyay Golaha Wasiirada cusub…….

 

 

Top-News1

 

Xildhibaanada Baarlamaanka Galmudug oo maanta shir ku yeeshay magaalada Cadaado ayaa si aqlabiyad leh u ansixiyay Golaha Wasiirada uu jimcihii la soo dhaafay magacaabay Madaxweyne C/kariin Xuseen Guuleed.

Kulanka Xildhibaanada oo ay soo xaadireen 69 Mudane ayaa waxaa ogolaaday 66 Xildhibaan, iyadoo saddexda xildhibaan ee kale ay ahaayeen Guddoomiyaha Baarlamaanka iyo labadiisa kuxigeen oo aan codeyn.

Guddoomiyaha Baarlamaanka Galmudug Cali Gacal Casir ayaa sheegay inay ansax yihiin Golaha Wasiirada Maamulka Galmudug KMG ah ee Jubba, isla markaana laga sugayo in waajibaadkooda uga soo baxaan sidii loogu dhiibay.

Madaxweynaha Galmudug C/kariin Xuseen Guuleed ayaa horay uga codsaday Xildhibaanada inay ansixiyaan Golihiisa Wasiirada cusub, si ay u gutaan waajibaadka hor-yaala, waxaana ansixinta maanta oo uu goob joog ka ahaana uu soo dhoweeyay ansixintaas.

Golaha Wasiirada Maamulka Galmudug ayaa ka kooban 24 Wasiir, 23 Kuxigeen iyo afar Wasiiru dowlayaal, waxaana la filayaa inuu xubno kale ku kordhiyo Wasiirada.

Dhinaca kale Madaxweynaha Galmudug C/kariin Xuseen Guuleed ayaa qorsheynaya inuu magacaabo Taliyaha Ciidamada Maamulka Galmudug, waxaana laga yaabaa inuu xilkaas u magacaabo Yuusuf Maxamed Siyaad Indha-Cadde.

Wararka ayaa sheegaya Yuusuf Indha Cadde uu horay uga mid ahaa hogaamiye kooxeedyadii dalka soo maray uu gaaray degmada Cadaado.

Maamulka Galmudug ayaa xarun KMG ah ka dhigtay degmada Cadaado, ayaa waxaa sugaya howlo adag, oo ay ka mid yihiin muranka kala dhaxeeyay Ahlusuna oo gacanta ku heysa degmada Dhuusa Mareeb oo ah Caasimada Galmudug iyo Puntland oo aan aqoonsaneyn jiritaanka Galmudug.

Short URL: http://barmuudo.com/?p=16492

Posted by on Aug 31 2015. Filed under Wararka. You can follow any responses to this entry through the RSS 2.0. You can leave a response or trackback to this entry

Leave a Reply

120x600 ad code [Inner pages]

Recently Commented