| | 5 views

Barmuud.com Sawirro: Wasiirka Maaliyadda oo Nairobi uga qeyb galay kulan looga hadlay K/dhaqaalaha

Wasiirka Maaliyadda Soomaaliya Maxamed Aadan Farkeeti ayaa saaka dib ugu soo laabtay magalaada Muqdisho, kadib markii shir looga hadlayay horumarinta kaabayaasha dhaqaalaha dalka oo magaalada Nairobi kula soo qaatay Bangiga Horumarint Afrika.

Wasiirka ayaa markii uu saaka ka soo degay garoonka diyaaradaha Aadan Cadde saxaafada kula hadlay ayaa faah faahin ka bixiyay kulankii dhex maray Wasaaradda Maaliyadda iyo Bangiga Horumarinta Afrika.

“Safar gaaban ayaan ku tagay magaaladda Nairobi, waxaana ka soo qayb galay shir ay wada qaban qaabiyeen Wasaaradda Maaliyadda Soomaaliya iyo Bangiga Horumarinta Africa, waxaan u jedkiisu ahaa sidii loo hormarin lahaa kaabayaasha dhaqaalaha dalka, Dhinaca Jjidadka Isgaarsiinta, Biyaha, iyo korontada, shirkaas ahmiyad gaar ah ayuu u lahaa Soomaaliya. Waxaana ka warqabnaa in dalku mudo ku tiirsanaa deeqo uga yimaada caalamka, taa badalkeedana waxaan codsanay si dalku u helo dhaqaale in la hormariyo kaabayaasha dhaqaalaha, waxayna ka soo qayb galayaasha shirku muujiyeen iney hada muuqato kalsooni badan oo lagu qabo dowladda Soomaaliya, lana gaaray xiligii wax lagala qaban lahaa horumarinta dalka” ayuu yiri Wasiirku.

Sidoo kale Wasiirka ayaa sheegay inuu kulan muhiim ah la qaatay Wasiirada Maaliyadda ee Maamulada Goboleedyada dalka, waxayna ka wada hadleen qorshe balaaran oo Wasaaradu ay doonayso in laga wada xaajoodo sidii loo midayn lahaa canshuurada dalka, loogana fa’iidaysan lahaa barnaamijka maaraynta maamulka maaliyadda.

“Shirkaan qabsoomidiisu wasaaradu waxay ku bixisay waqti, wuxuuna xambaarsan yahay ahmiyad gaar ah taas oo horseedi karta wada shaqayn buuxda oo dhex marta dowladda dhexe iyo maamuladda goboladda, waxaana ka soo qayb galay Wasiirada Maaliyadda Maamuladda Puntland, Jubaland, South west, iyo Galmudug, shirkaan waa kii ugu horeeyey oo dhaca, wuxuuna isugu jiray isbarasho iyo gogol xaar shir balaaran oo ka dhici doona magaaladda Muqdisho, waxaa kale oo aan ka wada hadalnay sidii xiriir joogta ah loo yeelan lahaa, laysaga kaashan lahaa nidaamka cusub ee ay wada Wasaaradda Maaliyada oo ku salaysan dib u habaynta maareynta maamulka Maaliyadda, oo runtii u dub dhexaad u ah isla xisaabtaan iyo la dagaalanka musuq maasuqa” ayuu yiri Wasiir Farketi

Kulankan ayaa wasaaradu uga gol leedahay sidii ay wada shaqayn buuxda u lahaan lahaayeen maamulada gobolada iyo Wasaaradda Maaliyadda si looga fa’iidaysto mashaariicda Bangiga Aduunku ku caawinayo dib u habaynta maamulka maaliyadda dalka.

20150928_08301320150928_083817 (1)20150928_19190120150928_20513420150929_083339

Short URL: http://barmuudo.com/?p=17230

Posted by on Sep 29 2015. Filed under Wararka. You can follow any responses to this entry through the RSS 2.0. You can leave a response or trackback to this entry

Leave a Reply

120x600 ad code [Inner pages]

Recently Commented