| | 2 views

Barmuudo.com Guddiga doorashooyinka Qaranka oo sheegay in aan wali la ansixin sharciga doorashooyinka

Xaliimo-Yarey1-170x114

 

Iyadoo muddo 8-bilood ka harsan tahay xilliga la filayo in Soomaaliya doorashooyin ka dhacaan, ayaa waxaa soo baxaya in aan wali la heyn sharcigii doorashooyinka, kaasoo qeexaya qaabka loo marayo doorashada 2016.

Guddoomiyaha Guddiga doorashooyinka qaranka Xaliimo Ismaaciil (Xaliimo Yarey) ayaa sheegtay in sharcigii doorashooyinka aanan wali la ansixin, isla markaana aysan garaneyn, sababta dib loogu dhigayo.

“Sharcigii doorashooyinka wali ma heyno, ma garan karno sababta gadaal loogu dhigayo oo aanan loo soo hormarin, maadaama ahmiyad uu u leeyahay dalka, xilliga doorashada dhaceyso waqti badan kama harin”ayay tiri Xaliimo Ismaaciil oo la hadlayay Xildhibaanada Baarlamaanka.

Waxaa ay ka codsaday Baarlamaanka in arrintan ay si deg deg ah u meel mariyaan, iyadoo tilmaamtay in shaqadooda loo dhiibay Guddiyo aan dastuuri aheyn.

Xaliimo Yarey ayaa ku baaqday in la dhowro dastuurka iyo sharciyada dalka u yaalo, isla markaana la siiyo guddigooda doorkiisa, sidoo kalena la baabi’iyo guddiyada aan dastuuriga aheyn.

Dhinaca kale Guddoomiyaha Baarlamaanka oo ka jawaabayay hadalka Xaliimo Yarey ayaa sheegay in Golaha Wasiiradda aysan wali soo gudbin sharciga, balse uu dareemayo ahmiyada uu sharcigan u leeyahay dalka.

Jawaari waxa uu tilmaamay in sharciga Doorashooyinka uu yahay mid loo baahnaa in la soo dedejiyo si loogu dabaqo doorashada dalka ka dhaceyso oo wax yar ay ka dhiman yihiin.

Xukuumadda Soomaaliya ayaa horay u sheegtay in dalka aysan ka dhici karin doorasho hal cod iyo hal qof, iyadoo la sameeyay madal wada tashi ay ku mideysan yihiin Madaxda dowladda, madaxda maamul goboleedyada, wasiirada, baarlamaanka iyo ururada bulshada rayidka, kuwaasoo go’aan ka gaaraya nooca doorasho ee dalka ka dhici doonta 2016

Short URL: http://barmuudo.com/?p=19135

Posted by on Dec 30 2015. Filed under Wararka. You can follow any responses to this entry through the RSS 2.0. You can leave a response or trackback to this entry

Leave a Reply

120x600 ad code [Inner pages]

Recently Commented